મહિલા મંડળ, દમણ (AIWC) શાખાએ પી.એમ.શ્રી સ્કૂલ, ચંદ્ર શેખર આઝાદ, ઉચ્ચ પ્રાથમિક શાળા, રીંગણવાડામાં ગાંધી જયંતિ અને સ્વચ્છતા પખવાડા અંતર્ગત “સ્વચ્છ ભારત સંકલ્પ હમારા” શીર્ષક હેઠળ 100 વિદ્યાર્થીઓની ચિત્ર સ્પર્ધા યોજી હતી. જે બે વિભાગમાં યોજવામાં આવી. જેમાં પ્રથમ, દ્વિતીય, તૃતીય ઇનામ આપવામાં આવ્યાં તથા 100 વિદ્યાર્થીઓને પ્રોત્સાહન રૂપે અભ્યાસ કીટ આપવામાં આવી.
ઈન્ચાર્જ હેડ-માસ્તર વિરેન્દ્રભાઈ પટેલ (રાષ્ટ્રપતિ એવોર્ડ વિજેતા-2019) નું સંચાલન શિક્ષણ જગતને સ્પર્શી જાય એવું છે. વિરેન્દ્રભાઈએ ગાંધી જયંતિ નિમિત્તે સરસ પ્રેણાત્મતક વચનો કહ્યાં. પી.એમ.શ્રી શાળા ચંદ્ર શેખર આઝાદ રીંગણવાડા શાળાના આંગણમાં સ્વચ્છતા અને સુંદર હરિયાળી જોઈને મંડળના અમે સૌ સભ્યો પ્રફુલિત થયા.
મહિલા મંડળના પ્રેસિડેન્ટ વર્ષા શાહે વિદ્યાર્થીઓને ચિત્ર સ્પર્ધાઓમાં ભાગ લેવા બદલ અભિનંદન પાઠવ્યાં અને ગાંધીજીના પુસ્તકો “સત્યના પ્રયોગો” અને ગાંધીજીની આત્મકથાનું વાચન કરવા પ્રેરિત કર્યા.
સમગ્ર કાર્યક્રમનું આયોજન મહિલા મંડળના પ્રેસિડેન્ટ વર્ષા શાહ અને શાળાના ઇન્ચાર્જ હેડ માસ્તર વિરેન્દ્રભાઈ તેમજ તેમના સ્ટાફના શિક્ષકોના સહકારથી કરવામાં આવ્યું.
મહિલા મંડળના બહેનોમાં નીતા મહેતા, વર્ષા રાણા, જયશ્રી ડાંગોદરા, પ્રજ્ઞા શાહ સાથે અન્ય બહેનો ઉપસ્થિત રહીને સહકાર આપ્યો.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
