પરાગ જોષી દ્વારા
રોટરી ક્લબ ઓફ વાપી ફિનીકસ દ્વારા ચલા ખાતે આવેલ ગંગાબા શિવણ ક્લાસ માં “કોશલ્ય” પ્રોજેક્ટ અંતર્ગત મફત ચાલતા શિવણ ક્લાસ માં આજે શિવણ ક્લાસ માં આવતી ૧૯ યુવતીઓ અને મહિલાઓ ની ઓરલ અને થીયરી ની પરીક્ષા લેવામાં આવી હતી. તા.૧ જુલાઈ થી શરૂ થયેલ આ શિવણ ક્લાસ માં પેહલા જૂજ યુવતીઓ અને મહિલાઓ જોડાઈ હતી પરંતુ હમણાં સુધી ૩૬ યુવતીઓ અને મહિલાઓ મફત શિવણ શીખવાનું પ્રશીક્ષણ લઇ રહી છે. અહિયાં શિવણ નું કામ શીખવા આવતી વિદ્યાર્થીનીઓ ને ક્લબ તરફથી નિમણૂંક કરવામાં આવેલ કિરણ બેન બિરાદર અને રેખા બેન દહાકે વિદ્યાર્થીનીઓ ની સીલાઈ નું કામ શીખવાડી રહ્યાં છે. આજે થયેલી પરીક્ષા માં સુપર વાઇઝર ભૂમિ બેન મોરી એ પરીક્ષાર્થીઓ આગળ જતાં પોતે પોતાની રીતે પોતાનું કામ શરૂ કરે તે હેતું થી ચોકસાઇ પૂર્વક સુપરવીઝન કર્યું હતું. અહિયાં ક્લાસ માં શિવણ શીખી ચૂકેલી ૬ યુવતીઓ પોતે જ બનાવેલાં કપડાં પહેરીને પરીક્ષા આપવાં માટે આવી હતી. ક્લબ તરફથી બધાને કીટનું વિતરણ કરવામાં આવ્યું હતું. પરીક્ષા માં પાસ થનાર પરીક્ષાર્થીઓ ને તા.૨૫ નાં રોજ સર્ટિફિકેટ આપવામાં આવશે. આ પ્રસંગે રોટરી ક્લબ ઓફ વાપી ફિનીકસ નાં સેક્રેટરી શીતલ બેન ટેલર, પ્રોજેક્ટ ચેરમેન પૂનમ બેન ધૂત હાજર રહ્યાં હતાં.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
