શ્રી સિધ્ધ ગાયત્રી શક્તિપીઠ, રાજકોટ ખાતે પ્રથમ નવરાત્રિ ખુબ જ ભક્તિભાવથી ઉજવાઇ ગઇ. માંના બાલુડા કાલીઘેલી ભાષામાં ગુણગાન કરીને રાસગરબા લે છે. આપણા પ્રાચીન અને ભાવવાહી ગરબા પરંપરાગત ઢબથી ફક્ત તાલીરાસમાં લેવાય છે અને એમાંય પુ. ગુરુદેવ શ્રી સ્વરૂપાનંદજી – “માડી” 83 વર્ષની ઉંમરે પણ ગરબા લે એ જોવાનો લ્હાવો અવર્ણનીય છે. અહીં દર્શન છે, પ્રદર્શન નહીં. માતાજીની કિંમતી સાડી અને સંપૂર્ણ શણગાર પુ. શ્રી માડીનાં સુપુત્રી સોનલ જાની (દિક્ષીત નામ સુર્યા – અમદાવાદ) તરફથી હતો. સવારની પૂજા અર્ચના તથા પ્રસાદીની સેવા અમદાવાદ ખાતે રહેતા પૂ. શ્રી માડીનાં શિષ્ય શ્રી અરવિંદભાઈ પ્રજાપતિ (દિક્ષીત નામ અરવિંદાનંદ) તરફથી હતી જ્યારે આરતીનો લાભ શ્રીમતી પ્રવિણાબેન દોશી તથા પુ. શ્રી માડીનાં પૌત્ર શ્રી ભાર્ગવ આચાર્યે લીધો હતો.
શ્રી સિધ્ધ ગાયત્રી શક્તિપીઠ, રાજકોટ ખાતે બીજી નવરાત્રિ ખુબ જ સરસ રીતે ઉજવાઇ ગઇ. સૌ સાથે જ રાસગરબા લઈને નવદુર્ગાનાં વિધવિધ સ્વરૂપોનાં ભકિતમય વાતાવરણમાં ગુણગાન ગાય છે. બીજી નવરાત્રિએ માંની કિંમતી સાડી અને સંપૂર્ણ શણગાર અમદાવાદ ખાતે રહેતા પુ. શ્રી માડીનાં શિષ્ય શ્રી પ્રશાંત રાવલ (દિક્ષીત નામ પ્રણવાનંદ) તરફથી હતો. પ્રસાદની સેવા શ્રીમતી જયશ્રીબેન જુઠાણી (રાજકોટ) તરફથી હતી અને આરતીનો લાભ શિષ્ય શ્રી હર્ષદભાઈ પુજારા અને તેમનાં ધર્મપત્ની શ્રીમતી શિતલબેને લીધો હતો કે જેઓ વર્ષોથી તેમની સેવારૂપે ગાયત્રી માતાજીનાં બ્લાઉઝ સીવીને આપે છે. સવારની વિશેષ પુજા રાજકોટ ખાતે રહેતા શિષ્ય શ્રી હિમાંશુ યાદવ તરફથી હતી.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
