જાળીયા દેવાણી સ્ટેટના રાજકુમાર શ્રી રાજદીપસિંહ જસવંતસિંહજી જાડેજાનાં નિમંત્રણને માન આપીને પુ. ગુરુદેવ શ્રી સ્વરૂપાનંદજી – “માડી” (ઝાલાવાડનાં ઇતિહાસવિદ ડો. ઇન્દ્રવદન આચાર્ય અને પૂર્વ પ્રિન્સિપાલ ધર્મેન્દ્રસિંહજી આર્ટસ કોલેજ, રાજકોટ) એ હાલમાં ચાલી રહેલા પવિત્ર શાકંભરી નવરાત્રિ (પોષ સુદ આઠમથી પોષી પૂર્ણિમા) નાં દિવસો દરમિયાન તા. 16 જાન્યુઆરી રવિવારે રાજદીપસિંહ જાડેજાનાં નવનિર્મિત પેટ્રોલપંપનું ઉદ્ધાટન બપોરે અભિજિત યોગમાં 12.39 મિનિટે વર્તમાન પરિસ્થિતિને ધ્યાનમાં લેતાં ખુબ જ સાદાઈથી કર્યું ત્યારે તેમનાં બંન્ને પાર્ટનરો શ્રી વિજયસિંહ લક્ષ્મણસિંહ જાડેજા (મિતાણા, હાલ રાજકોટ) તથા શ્રી દિનેશભાઇ હસમુખરાય મહેતા (મોરબી) ઉપસ્થિત હતા. વેદોક્ત મંત્રોચ્ચાર સાથે પૂજા કરી, કળશપૂજન બાદ ગણપતિનું આહ્વાન કરીને ઓફિસમાં રહેલ પૂજાઘરમાં કૂળદેવીને ફુલહાર ચઢાવી દિપ પ્રાગટય કર્યું અને સૌને શુભાશીર્વાદ પાઠવીને મોં મીઠા કરાવ્યા તેમજ તેમનાં હસ્તાક્ષરોમાં ચોપડાપૂજન પણ કર્યું. એક બીજી પણ સુંદર વાત જણાવી દઉં કે જ્યારે પુ. શ્રી માડી રાજકોટની શ્રી ધર્મેન્દ્રસિંહજી કોલેજમાં પ્રોફેસર તરીકે ફરજ બજાવતા હતા ત્યારે શ્રી રાજદીપસિંહજીનાં પિતાશ્રી જસવંતસિંહજી (1969), અને શ્રી રાજદીપસિંહ જાડેજાનાં પાર્ટનર શ્રી વિજયસિંહ 1992 ની બેચમાં તેમનાં વિદ્યાર્થી રહી ચુક્યા છે. આ તકે તેમણે વિડીયો કોલીંગમાં તેમનાં અન્ય મિત્રો સાથે પુ. ગુરુદેવ સાથે પણ વાત કરાવી જ્યારે તેઓ પણ વિદ્યાર્થી તરીકે રહી ચૂક્યા છે, જેમાંનાં સર્વશ્રીઓ રાજેશ્વરસિંહ નરેન્દ્રસિંહ ચુડાસમા (પ્રોફેસર, ગાંધીનગર ગવર્નમેન્ટ કોલેજ), હરેન્દ્રસિંહ લક્ષ્મણસિંહ ડોડીયા (પ્રિન્સિપાલ વિરાણી હાઇસ્કૂલ, રાજકોટ), ડી. ડી. ગોહિલ (P. I. અમદાવાદ), પ્રતાપસિંહ બાલસિંહ ઝાલા (રતનપર) તથા સંજયસિંહ રનવિરસિંહ ઝાલા (વડોદરા) નો સમાવેશ થાય છે. કોલેજકાળમાં પણ આચાર્ય સાહેબ ‘ગુરૂજી’ તરીકે જ ઓળખાતા એટલે ઘણાં વર્ષો બાદ વિડીયો કોલીંગમાં પોતાનાં પ્રિય ગુરૂજીને જોઇને ખુબ જ રાજી થયા અને હવે આધ્યાત્મિક ગુરૂ બનેલા પુ. શ્રી માડીએ પણ અત્યંત પ્રસન્નતાપૂર્વક સૌ સાથે સંવાદ કર્યો. આ સમયે જૈનશ્રેષ્ઠી શ્રી દિનેશભાઇ મહેતાએ પુ. શ્રીને સાળંગપુર કષ્ટભંજન દેવ હનુમાનજી મહારાજનું સુંદર મજાનું કેલેન્ડર પ્રસાદ સાથે ભેટમાં આપ્યું. આમ, સંભારણારૂપ બનેલા આ પેટ્રોલપંપનું ઉદ્ધાટન કર્યું, જે રાજકોટથી કાલાવડ જતા આશરે 30 કિલોમીટર દૂર આવેલ આણંદપર ગામનાં સિમાડે આવેલ છે અને ત્યાંથી બપોરે 2.15 કલાકે પુ. માડીએ વિદાય લીધી ત્યારે સૌનાં હ્રદય ભાવભીનાં થયા હતા.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
