મહિલા મંડળ દમણ (AIWC) શાખા તરફ થી સાર્વજનિક વિદ્યાલય, દમણમાં પી.એમ.પોષણ યોજના અંતર્ગત, ભાદરવા માસના શ્રાદ્ધ પક્ષના ઉત્તમ દિવસોમાં 160 વિદ્યાર્થીઓ માટે તિથિ ભોજનનું આયોજન કરવામાં આવ્યું. સાર્વજનિક વિદ્યાલયની મુલાકાત દરમિયાન શાળામાં સ્વચ્છતા એ જ પ્રભુતા નો અનુભવ થયો. ઈન્ચાર્જ હેડ મિસ્ટ્રેસ શિતલબેન પટેલ અને શિક્ષક કર્મચારીઓ એ મહિલા મંડળના પ્રેસિડેન્ટ વર્ષા શાહ સાથે મંડળના સભ્યોનો આદર સત્કાર કર્યો. શીતલબેનનું સંચાલન અને શિક્ષકોની સુંદર કાર્ય નીતિ સાથે વિદ્યાર્થીઓમાં શિસ્તબદ્ધતા જોઈને ખુશી થઈ. આ કાર્યક્રમનું આયોજન પ્રેસિડેન્ટ વર્ષા શાહ કર્યુ, એમાં મંડળ ના સભ્યો એ તિથિ ભોજન માટે દાન આપીને સહકાર આપ્યો. કાર્યક્રમમાં ઉપસ્થિત રહી ને સેવા આપનાર મહિલાઓ માં નીતા મહેતા,જયશ્રી ડાંગોદરા, ભાવિની સાંવલા, સુનિતા જૈન સાથે અન્ય સભ્યો હાજર રહ્યા હતા.