પદ્મશ્રીથી સન્માનીત પ્રભાબેન શાહને કેશવ બટાકે ફૉન કરી શુભેચ્છા પાઠવી
દાનહ અને દમણ દીવમાં પહેલી વાર એક મહિલાને આટલું મોટું સન્માન મળ્યું તે ગર્વની વાત : કેશવ બટાક
સંઘપ્રદેશ દાદરા નગર હવેલી અને દમણ દીવના સમાજસેવી મહિલા પ્રભાબેન શાહને ભારત સરકાર દ્વારા પદ્મશ્રી પુરસ્કાર મળતાં એન.આર.આઈ.ગ્રુપ લંડનના કન્વીનર અને દમણના મૂળ નિવાસી કેશવ બટાકે સાત સમંદર પારથી પ્રભાબેન શાહને ફૉન કરી શુભેચ્છા પાઠવી અભિનંદન આપ્યા છે. પ્રજાસત્તાક પર્વની પૂર્વ સંધ્યાએ ગાંધી વિચારધારાથી પ્રેરિત પ્રભાબેન શાહને આ સન્માન મળતાં સંઘપ્રદેશ માટે ગૌરવની બાબત કહી શકાય તેમ છે.
બારડોલીમાં જન્મેલાં પ્રભાબેન શાહે દમણને કર્મભૂમિ બનાવી સમજસેવાના ઉત્કૃષ્ટ અને નોંધપાત્ર કાર્યો કર્યા છે .ભારત સરકાર દ્વારા એની નોંધ લેવામાં આવી અને આ સન્માન પ્રાપ્ત થયું તે બદલ પ્રભાબેન શાહ ખરેખર અભિનંદનને પાત્ર છે.
કેશવ બટાકે સંઘપ્રદેશ દમણ દીવ અને દાદરા નગર હવેલીમાં પહેલીવાર એક મહિલાને આટલું મોટું સન્માન પ્રાપ્ત થયું તે ગૌરવની વાત હોવાનું ગણાવ્યું છે. પ્રદેશનું ગૌરવ વધારનારા પ્રભાબેન શાહને તેઓએ ખાસ ટેલિફોન કારીને અભિનંદન આપ્યા છે.અને તેઓના ઉત્કૃષ્ટ કાર્યોની પ્રશંસા કરી હતી.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
