પ્રવાસ કથા ભાગ : ભાગ 119
બેંગ્લોરથી રાજકોટ પરત આવ્યા – તા. 18 સપ્ટેમ્બર, 2022 રવિવાર
તા. 2 સપ્ટેમ્બરે બેંગ્લોર રહેતા દિકરીબા દિવ્યાને અને જમાઇ કૃતાર્થકુમારને મળવાનો ઊમંગ હતો તો 18 સપ્ટેમ્બરે છૂટા પડવાનો રંજ પણ હતો. બેંગ્લોરથી સવારે 7.30 વાગે અમે ઘરેથી નીકળ્યા અને કેમ્પે ગૌડા એરપોર્ટ ઉપર પહોંચ્યા ત્યારે લાગણીસભર દ્રશ્યો સર્જાયા હતા. લગ્નના સાડા ચાર વર્ષ બાદ હું સૌપ્રથમવાર બેંગ્લોર ગયેલો એટલે આ ભાવ સહજ હતા. ખુબ સરસ રીતે અને સન્માનપૂર્વક અમને બંન્નેને રાખ્યા અને મદુરાઈ તથા રામેશ્વરમની યાત્રા પણ કરાવી. આ માટે તેમનો આભાર નહીં માનીએ પણ અમે બંન્ને આશીર્વાદ જ આપીશું. 🙋🏻♂️ અંતે સવારે 9.30 વાગે એરપોર્ટ ઉપર એકમેકથી ભાવપૂર્વક છૂટા પડ્યા અને એરપોર્ટની જરૂરી વિધી પતાવી અમે ઇન્ડીગોની ફ્લાઇટ નં. 6E 6508 માં બેઠા અને બરાબર 11.35 કલાકે ફ્લાઈટ ટેકઓફ થઈ. હું જ્યારે પણ વિમાનની મુસાફરી કરું છું ત્યારે વિન્ડો સીટનો આગ્રહ ખાસ એટલા માટે પણ રાખું કે મને ‘સ્વર્ગ જેવી અનૂભુતિ’ થાય છે..! 36000 ફૂટથી પણ વધુ ઉંચાઈએ ઉડતી ફ્લાઇટની સફર દરમિયાન વિહંગમ દ્રશ્યો માણવાની મોજ જ અનેરી છે. ફ્લાઇટ લેન્ડ થાય એ પહેલા રાજકોટની આજુબાજુના જળાશયોની એરીયલ ફોટોગ્રાફી પણ ક્લીક કરી છે અને એમાં પણ આસમાનથી ઊંચાઇએથી દેખાતી ધરતીનું એક સુંદર દ્રશ્ય પણ છે. ફોટોગ્રાફસ જરૂરથી જોજો, હોં..!! 1 કલાક અને 40 મિનિટની હવાઇયાત્રા બાદ રાજકોટ એરપોર્ટ ઉપર ફ્લાઇટ લેન્ડ થઈ. મારો દિકરો ભાર્ગવ ગાડી લઈને અમને લેવા આવ્યો હતો. અંતે તો ધરતીનો છેડો ઘર જ કહેવાય ને..! બસ, અમે બરોબર 2 વાગે અમારા નિવાસસ્થાન શ્રી સિધ્ધ ગાયત્રી શક્તિપીઠે પહોંચ્યા અને પૂ. ગુરુદેવ શ્રી માડીનાં આશીર્વાદ લઇને અમારી રૂટીન લાઇફમાં ફરી વ્યસ્ત થયા.
✍️ મનોજ ઇન્દ્રવદન આચાર્ય
(શ્રી સિધ્ધ ગાયત્રી શક્તિપીઠ, રાજકોટ)
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
