શ્રીનાથજી ચરિત્રામૃત ભાગ – 81& 82 : Niru Ashra

: શ્રીનાથજી ચરિત્રામૃત ભાગ – 82
એક દિવસ સ્નાન માટે પ્રયાગમાં ભાવિકોની ભીડ જામી હતી. સૌ પોતપોતાની રીતે શ્રદ્ધા પૂર્તિ કરી રહ્યા હતા. કોઈ દેવ દર્શન કરી રહ્યું હતું તો કોઈ દાન ધર્મ. કોઈ કથા સાંભળી રહ્યું હતું તો કોઈ કીર્તન. ગંગાજીના એક ઘાટ પર સવિશેષ ભીડ જામી હતી…. કારણકે પરમાનંદ સ્વામી ત્યાં કિર્તનોની રમઝટ બોલાવી રહ્યા હતા. શ્રી મહાપ્રભુજીના એક સેવક જલઘરિયા કપૂર ક્ષત્રિ પણ પરમાનંદ સ્વામીના કિર્તનો સાંભળવા માં સામે અડેલ થી આવ્યા હતા. પરમાનંદ સ્વામી ને જલઘરિયના ના ખોળામાં અપ્રતિમ સૌંદર્ય વાળા ભગવદ્ સ્વરૂપ નવનીત પ્રિયાજી ના દર્શન થયા. એ જ રાત્રે સ્વપ્નમાં ફરી પરમાનંદ સ્વામીને શ્રી નવનીત પ્રિયાજી એ દર્શન દીધા. સ્વામી ની આંખ ખૂલી ગઈ. તેઓ સફાળા બેઠા થઇ ગયા. કોટિ કંદર્પ લાવણ્ય સ્વરૂપ શ્રી નવનીત પ્રિયાજી ને તેઓ આમતેમ શોધવા લાગ્યા. બાકીની રાત એમણે બહુ બેચેનીના પસાર કરી. સવાર પડતાં મા તો તેઓ દોડ્યા અને ઘાટ પરથી એક નાવ છુટવાની તૈયારીમાં જ હતી એમાં ઉપરથી ભૂસકો માર્યો અને વહેતી થયેલી નાવમાં સમઈ ગયા. નામ આડેલ તરફ વહી નીકળી.
ધીમે ધીમે સામેના તટ તરફના આછા જળમાં નાવ આવી રહી હતી ત્યાં જ પરમાનંદ સ્વામીને નદીના નિરમા શ્રી મહાપ્રભુજી ના દર્શન થયા. દર્શન થતાં વેત એમના કર્ણપટ પર એકી સાથે સેંકડો શરણાઈઓ ગુંજી ઉઠી. તરત તેઓ જલમાં કૂદી પડ્યા અને સ્નાન કરીને બહાર પધારી રહેલા શ્રી મહાપ્રભુજી ની પાછળ પાછળ ઘાટ પર આવી પહોંચ્યા. થોડી વાતો થઈ.
ઘાટ પર સંધ્યા વંદન કરવા બિરાજેલા શ્રી મહાપ્રભુજી ની સન્મુખ બેસીને પરમાનંદ સ્વામીએ સારંગ રાગમાં વિરહના ચાર પદ ગાયા. સાંભળીને આચાર્યશ્રી અત્યંત પ્રસન્ન થયા. થોડીવારે જળઘરિયા કપૂર ક્ષત્રી જળ ભરવા ઘાટ પર આવી પહોંચ્યા. પરમાનંદ સ્વામી એમની સાથે શ્રી મહાપ્રભુજીના ગૃહે આવ્યા. કપૂર ક્ષત્રિય ની વિનંતીથી શ્રી મહાપ્રભુજીએ પરમાનંદ સ્વામી ને નવનીત પ્રિયાજી સમક્ષ નામ સંભળાવીને આત્મનિવેદન કરાવ્યું. વિ. સં.1577 ( ઇ. સ.1521) ના જેઠ સુદ 12 ની સવારની આ વાત છે. પરમાનંદ સ્વામી ત્યારે 27 વર્ષના હતા.
સમય સમયના નિત્યા નવા પદ કરીને પરમાનંદ સ્વામી નવનીત પ્રિયાજી ને સંભળાવતા અને જ્યારે અનોસર થાય ત્યારે શ્રી મહાપ્રભુજી ની આગળ વ્રજ લીલાના અનેક કિર્તનો કરતા. એક દિવસ ‘ યહ માંગો શ્રી ગોપીજન વલ્લભ ‘પદ સાંભળીને આચાર્ય શ્રી વલ્લભ સમજી ગયા કે પરમાનંદ સ્વામી ને હવે વ્રજ ના દર્શન કરવાની તાલાવેલી લાગી છે. ભક્તેછા પૂરક શ્રી વલ્લભે વ્રજમાં વધારવાની તૈયારી કરી. નિજ સેવકો ની સાથે થોડા જ દિવસમાં આપી શ્રી એ અડેલ થી વ્રજ તરફ પ્રયાણ આદર્યું. માર્ગમાં પરમાનંદ સ્વામી નું ગામ કનોજ આવ્યું. પરમાનંદ સ્વામી એ વિનંતી કરીને આચાર્યશ્રી ને પોતાના ઘરે પધરાવ્યા. ચાર દિવસનો ત્યાં મુકામ રહ્યો. પરમાનંદ સ્વામીના જેટલા પણ સેવકો હતા એ બધા એમને મળવા આવ્યા ત્યારે એ સૌને આચાર્યશ્રીના શરણે લઈ જઈ પોતાના ‘ સ્વામી પણા નો સદાયને માટે ત્યાગ કર્યો. અને ‘ પરમાનંદ દાસ ‘ બની ગયા!
શ્રી ગોવર્ધન નાથ કી જય👏🏻👏🏻👏🏻