શ્રીનાથજી ચરિત્રામૃત ભાગ – 85
” લાલા, યે દેખ ની બેજર કી રોટી (જવ અને ચણાના લોટની જાડી પાનકી જેવી રોટલી) ઓર ટેટી કો (કેરડા) સાગ હે. સાથમે બેજર કો સંધાનો(બોરનું અથાણું) હુ હે. તુતો બડો નાજુક હે તાસો યે સુખો કોર ( કોળિયો)તેરે ગલે મેં સે નાય ઉતરેગો. યાસો સથમે યે છાછ (છાસ)હુ પીનો……”
” કુંભના, તુહી મોકો ખીલાન ! તેરે હાથ સો ખઉગો તો મેરો પેટ ભર જયેગો…….”કહેતા શ્રીનાથજીએ નિર્દોષ બાળક ની જેમ મૂખ ખોલ્યું. ‘ પ્રેમન જુએ ટાઢો ભાત અને ઊંઘ ન જુવે ટુટી ખાટ ” એ અનુસાર શ્રીનાથજી ને આજે બેજરકી સુખી રોટલી અને ટેટી નુ શાક છપ્પનભોગ કરતાંય વધુ મિસ્ટ લાગ્યા. કુંભનદાસ જમણા હાથે શ્રીનાથજી ને આરોગાવતા જાય અને ડાબા હાથે શ્રીનાથજીના કપોલ પર તથા મસ્તક પર વહાલ કરતા જાય. સ્વામી અને સેવક બંનેની પાપણો પ્રેમના અશ્રુ થી ભીંજાઈ ગઈ. કુંભનદાસ એક કોળિયો શ્રીનાથજીના મુખમાં મૂકે અને શ્રીનાથજી ખોળામાં બેઠા બેઠા ઊંચું જોઈને કુંભનદાસ ના મુખ તરફ સ્નેહ સભર નયનો થી તાકયા કરે. દરેક કોળિયા પછી કુંભનદાસ શ્રીનાથજીને છાશ નો ઘૂંટડો ભરવે. છાશ પીધા પછી ઓસ્ટ પર છાશની લીટી બાજી જાય એ કુંભનદાસની બંડીની બાયથી શ્રીનાથજી લુછતા જાય.
” બસ કુંભના મોકો સંતોષ હે ગયો. બચી હુઈ રોટી ઓર સાગ તું ખાલે…..”કહેતા શ્રીનાથજી કુંભનદાસ ના ખોળામાંથી ઉઠી ને પાછા સામે બેસી ગયા અને પોટલીમાંથી પોતાના હસ્તે એક કોળિયો ઉપાડીને કુંભનદાસ ને ખવડાવ્યો. કુંભનદાસ એકટસ શ્રીનાથજીની સામુ જ જોઈ રહ્યા. એમના ગળેથી કોળિયો નીચે જ ન ઊતર્યો.
” કુંભના, હું તારી સામે બેસીશ તો આજે તું જરાય ખાઈ નહીં શકે. તારા મનનો ભાવ હું જાણું છું. એટલે લાવ ફરીથી હું તારા ખોળામાં બેસી જાવ. પછી તું ની રાતે ખાજે…..
“કહેતા શ્રીનાથજી ફરીથી કુંભનદાસ ના ખોળામાં આવીને બેસી ગયા. કુંભનદાસે અતિશય વહાલ પૂર્વક શ્રીનાથજી નું મસ્તક સૂંઘ્યું અને ચૂમ્યું. પછી ધીમે ધીમે ભાથામાં વધેલી રોટલી અને શાક ખાઈને પ્યાલામાંનો છાશ પી લીધો.
શ્રી ગોવર્ધન નાથ કી જય👏🏻👏🏻👏🏻
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
