સુરતની સાર્વજનિક યુનિવર્સિટી ટીમ માં દમણ ના મેઘ શૈલેષ પટેલની પસંદગી.
ક્રિકેટ કોચ ભગુ પટેલે પાઠવ્યા અભિનંદન.
ઓલ ઈન્ડિયા આંતર યુનિવર્સિટી વેસ્ટર્ન રિજન મેન્સ ક્રિકેટ ટુર્નામેન્ટ 9 જાન્યુઆરીથી 16 જાન્યુઆરી 2025 દરમિયાન મિનેશ આદિવાસી યુનિવર્સિટી, કોટા ડિસ્ટ્રિક્ટ, રાજસ્થાન ખાતે યોજાવા જઈ રહી છે જેમાં દમણ ભેંસલોર ગામના પ્રતિભાશાળી યુવા ક્રિકેટર મેઘ શૈલેષ પટેલ સુરત સાર્વજનિક યુનિવર્સિટીનું પ્રતિનિધિત્વ કરશે. આ સ્પર્ધામાં રાજસ્થાન, ગોવા, મહારાષ્ટ્ર, મધ્યપ્રદેશ અને ગુજરાતની 112 સરકારી અને ખાનગી યુનિવર્સિટીની ટીમો ભાગ લેશે. મેઘ પટેલની પસંદગી બદલ તેમના કોચ ભગુ પટેલે તેમને અભિનંદન પાઠવ્યા છે અને મેઘ પટેલે ભેંસલોર ગામ અને દમણના કોળી પટેલ સમાજને ગૌરવ અપાવ્યું છે તેનો આનંદ વ્યક્ત કર્યો છે. વધુમાં ક્રિકેટ કોચ ભગુ પટેલે કહ્યું છે કે મેઘ પટેલે સુરત પ્રીમિયર લીગમાં પોતાની શાનદાર બેટિંગથી બધાને ચોંકાવનાર મિડલ ઓર્ડર ઓલરાઉન્ડર તરીકે સુરત અને સમગ્ર ગુજરાતમાં પોતાનું નામ બનાવ્યું છે. વધુમાં ક્રિકેટ કોચ ભગુ પટેલે જણાવ્યું હતું કે મે મેઘને ક્રિકેટની ઝીણવટભરી ઝીણી ઝીણી બાબતો શીખવી હતી જેના કારણે આજે તે સાર્વજનિક યુનિવર્સિટીની ટીમમાં પસંદગી પામ્યો છે અને મારી મહેનત રંગ લાવી છે અને સાર્વજનિક યુનિવર્સિટી સુરતે મેઘ પટેલ પર જે વિશ્વાસ મૂક્યો તેનાપર તે ખરો ઉતરશે અને ટીમને જીત અપાવવામા મહત્વનું યોગદાન આપશે. મેઘ પટેલની પસંદગીથી સમગ્ર દમણના કોળી પટેલ સમાજ, ભેંસલોર ગામ, મેઘના ચાહકો, દમણના ક્રિકેટ પ્રેમીઓ અને મેઘના માતા-પિતામાં ખુશીની લહેર ફેલાઈ ગઈ છે.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
