દમણમાં એક જ રસ્તાના ૯ વાર ટેન્ડર નિકળવા છતાં કોઈ લેવા નથી !
દમણના એક મુખ્ય માર્ગનું ૯ વખત ટેન્ડર કરવામાં આવ્યું છે પરંતુ કોઈ કોન્ટ્રાક્ટર આ કામ હાથ ધરવા તૈયાર નથી . ઝાપાબારથી છાપલી શેરી સુધીનો માર્ગ છેલ્લા એક વર્ષથી બિસ્માર હાલતમાં છે . આ રોડ પર વાહનોને નુકશાન થાય છે . આ રોડ બનાવવા માટે જાહેર બાંધકામ વિભાગ ૯ વખત ટેન્ડર બહાર પાડ્યા છે . તમામ ટેન્ડરોમાં લગભગ ૧૯ કરોડની રકમનો ઉલ્લેખ કરવામાં આવ્યો છે . આ રકમમાં પણ કોન્ટ્રાક્ટર કોન્ટ્રાક્ટ લેવા તૈયાર નથી , એકાદ બે મહિનામાં ચોમાસું શરૂ થવા જઈ રહ્યું છે . ગત વર્ષની જેમ આ વર્ષે પણ જો રોડ નહીં બને તો લોકોને મુશ્કેલી પડશે . પોસ્ટ ઓફિસથી છાપલી શેરી સુધીના રસ્તા પર ખાડાઓ પડી ગયા છે . સૂત્રોએ જણાવ્યું કે , આ રોડમાં કોન્ટ્રાક્ટરને નુકસાન થઈ રહ્યું છે . આ રેટ એક વર્ષ જૂનો છે અને હવે સિમેન્ટ અને ક્રોકેટના ભાવ વધી ગયા છે . ટેન્ડર ૧૯ કરોડથી ઉપર જશે અને પૈસા ઉપાડવા મુશ્કેલ બનશે . હાલમાં પોસ્ટ ઓફિસથી લઈને સીફેસ જેટી સુધીના ઘણા મકાનોના ભાગને તોડી પાડવા માટે નોટિસો પણ આપવામાં આવી છે જે હજુ સુધી તૂટી નથી . તેમાં પણ સમય લાગશે . ત્યાં સુધી સિમેન્ટના ભાવ વધુ વધશે . કોન્ટ્રાક્ટરો પણ વીવીઆઈપીની મુલાકાતની રાહ જોઈ રહ્યા છે જેથી ઈમરજન્સીમાં રોડ બનાવવાનું કામ મળી શકે
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
