મી એન્ડ મી ગ્રુપ, ઉંમરગામ દ્વારા વિશ્વ પર્યાવરણ દિવસ નિમિત્તે ૫ જુન રવિવાર નાં દિવસે બપોરે ૩ કલાકે ઉમરગામના રળીયામણા દરિયાકિનારે ગેસ્ટ હાઉસ પાછળ, ઉમરગામ ખાતે “ઉંમરગામ બીચ ફેસ્ટીવલ” કાર્યક્રમનું આયોજન કરવામાં આવ્યું હતું. ધરતી, પર્યાવરણ બચાવો અને જળ સંચય સાથે પ્લાસ્ટીક મુક્ત ભારત અભિયાન નું આવાહન રાજુ પાવસ્કરે લોકોને કર્યું હતું અને જણાવ્યું હતું કે સિંગાપુર, અમેરિકા, જાપાન જેવા અનેક દેશો એકદમ સ્વચ્છ છે. તો આપણે પણ ભારત દેશને સ્વચ્છ રાખવો જોઈએ. મહિલાઓ ને ખાસ જણાવ્યું હતું કે જ્યારે પણ તમે શાકભાજી માર્કેટ જાઓ ત્યારે પ્લાસ્ટિક બેગ ની જગ્યાએ કાપડ ની થેલી નો ઉપયોગ કરવો જોઈએ. વધુ માં પાવસ્કરે જણાવ્યું હતું કે અમે નાના હતા ત્યારે આ દરિયો છેક આ વૃક્ષો ઊગ્યા છે ત્યાં સુધી સમુદ્ર નું પાણી આવતું હતું હવે ઘણું અંદર સુધી ખેચાઈ ગયું છે. ગ્લોબલ વોર્મિંગ ને કારણે ગ્લેશિયર પીગળી રહ્યાં છે; અને સમુદ્ર માં પાણી નું લેવલ વધી રહ્યું છે. માજી મંત્રી, ધારાસભ્ય રમણભાઈ પાટકરે પણ પ્લાસ્ટીક મુક્ત ભારત અભિયાન પર વધુ ભાર મૂક્યો હતો. અહિયાં શેલી ડાંસ અકેડમી અને બીજા અનેક ગ્રૂપના નાના અને મોટા બાળકોએ ડાન્સ પ્રસ્તુત કર્યો હતો. મી એન્ડ મી ગ્રુપ, ઉંમરગામ તથા બીજા અનેક ગાયકોએ જુના અને નવા ફિલ્મી ગીતો ગાઈને પ્રેક્ષકો ને ડોલાવ્યા હતા. અહિયાં મફત બહેનો માટે ૧૮ સ્ટોલ્સ ની ફાળવણી કરવામાં આવી હતી. આ પ્રસંગે અલ્કાબેન શાહ(જીલ્લા પંચાયત પ્રમુખ, વલસાડ), ચારૂશીલાબેન પટેલ(ઉમરગામ ન.પા.પ્રમુખ), રમેશભાઈ ધાંગડા(તા.પ. ઉમરગામ પ્રમુખ), તાલુકા વિકાસ અધિકારી, ઉમરગામ મામલતદાર, ઉમરગામ ન.પા. ચીફ ઓફીસર, સામાજીક વનીકરણ અધિકારી, સંજાણ રેન્જ ફોરેસ્ટ અધિકારી, ગુજરાત પોલ્યુશન કન્ટ્રોલ બોર્ડ(સરીગામ) ઉમરગામ, ભિલાડ, નારગોલ પોલીસ અધિકારી, જીલ્લા પંચાયત સદસ્યો નગરપાલિકા સદસ્યો, તા. પંચાયત સદસ્યો હાજર રહ્યાં હતાં. ઉમરગામની સંસ્થા જય માતાજી સેવા સંઘ અને યુવા સંગઠન ઉમરગામ નો સહયોગ રહ્યો હતો. આ કાર્યક્રમ માં ખુબ મોટી સંખ્યામાં લોકો ઉમટી પડ્યા હતાં.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
