વાપી સોશ્યલ ગ્રુપ ચેરીટેબલ ટ્રસ્ટ દ્વારા વાપી માં ચકલી ઘર નું મફત વિતરણ કરવામાં આવ્યુ. પરાગ જોષી દ્વારા વાપી સોશ્યલ ગ્રુપ ચેરીટેબલ ટ્રસ્ટ છેલ્લાં પાંચ વર્ષથી સેવાનાં કાર્યો કરે છે. આ વર્ષે શ્રી રામ નવમી નાં શુભ દિવસે પક્ષીઓ માટે આ બળબળતી ગરમીમાં પાણી ની રાહત મળે તે આશય થી બર્ડ ફીડર, ચકલી ઘર, બર્ડ વોટર બાઉલ નું વાપી વાસીઓ માટે મફત વિતરણ કર્યું હતું. આ પ્રસંગે અનેક પક્ષી પ્રેમીઓ આ વસ્તુઓ પોતાનાં ઘરે લઇ ગયા હતા અને પોતાનાં ઘરે બર્ડ વોટર બાઉલ માં પાણી ભરીને ચકલી અને કબૂતરો ની તરસ છીપાવી હતી. સાથે ચકલીઓ ને ઘર મળે માટે પોતાનાં ઘર ની બાલ્કની માં ચકલી ઘર બાઘ્યું હતું. આ અંગે વાપી સોશ્યલ ગ્રુપ ચેરીટેબલ ટ્રસ્ટ નાં પ્રમુખ કિરણ ભાઇ રાવલે જણાવ્યું હતું કે દર વર્ષ ની માફક આ વર્ષે પણ જુદી જુદી જગ્યાએ પાણી ની પરબ બનાવી છે; સાથે પક્ષીઓ માટે આજે ૫૦૦ જેટલાં મફત ચકલી ઘર,બર્ડ વોટર બાઉલ નું વિતરણ કરવામાં આવ્યું છે. વાપી ની જનતા એ પણ આ રીતનું કાર્ય કરવું જોઇએ. આવનારા દિવસોમાં આપણે બધાં ગ્રૂપે સાથે મળીને આવા શુભ કાર્યો કરવા જોઈએ. આ પ્રસંગે દિનેશભાઇ ચૌહાણ, વિજયભાઇ ગોહિલ, રાજેશભાઇ નાયર તથા અન્ય રહીશો હાજર રહ્યાં હતાં.