ભગવાન શ્રી રામ ની જન્મ જયંતિ નિમિત્તે યોજાયેલ શોભાયાત્રા માં કેસરિયો લહેરાયો. પરાગ જોષી દ્વારા…. મર્યાદા પુરુષોત્તમ ભગવાન શ્રી રામ ની જન્મ જયંતિ નિમિત્તે હનુમાનજી મંદિર ખાતે બપોરે ૧૨ કલાકે શ્રી રામ જન્મોત્સવની ધામધૂમથી ઉજવણી કરવામાં આવી હતી. ભક્તો એ મર્યાદા પુરુષોત્તમ ની પૂજા, આરતી કરી હતી. પ્રભુ શ્રી રામ ચંદ્ર કી જય અને જય જય શ્રી રામ અને શંખનાદ થી સમગ્ર વાતાવરણ ભક્તિમય બની ગયું હતું. આ શુભ પ્રસંગે ડુંગરા ખાતે સીતારામ હનુમાનજી મંદિર ખાતે સવારે ૧૧ કલાકે શોભાયાત્રા કાઢવામાં આવી હતી. જે દેસાઇવાડ હનુમાનજી મંદિરે આવી પહોંચી હતી. શ્રી રામ શોભાયાત્રા સમિતિ વાપી દ્વારા શોભાયાત્રા નું આયોજન બપોરે ૧કલાકે કરવામાં આવ્યું હતું. આ બંને શોભાયાત્રા મંદિર થી વાપી ટાઉન,ઝંડા ચોક,ગોલ્ડ કોઇન સર્કલ,દમણ બ્રિજ, પેપિલોન હોટેલ,વંદે માતરમ ચોક,અંબે માતા મંદિર સર્કલ થી વલ્લભ નગર છરી, ખાતે મહા આરતી સાથે શોભાયાત્રા પૂર્ણ થઈ હતી.આ શોભાયાત્રા માં વાપી માં અનેક સમાજ નાં આગેવાનો દ્વારા ભગવાન ની ઝાંખી કરી હતી.નાના બાળકો એ ભગવાન શ્રી રામ, માતા જાનકી, ભગવાન લક્ષ્મણ તથા પવનપુત્ર હનુમાનજી ની આબેહૂબ પ્રતિકૃતિ દર્શાવતી ઝાંખી કરાવી હતી. જય શ્રી રામ નાં નારા સાથે આજે વાપી શહેર ગુંજી ઉઠ્યું હતું.શ્રી રામ ભક્તો એ કેસરિયો રંગ ધારણ કરવાથી આજે વાપી માં કેસરિયો લહેરાયો હતો.આ શોભાયાત્રા માં મહારાષ્ટ્ર માં આવેલ બોઇસર અને દહાણુ રોડ થી પણ ભક્તો જોડાયાં હતાં. શ્રી રામ શોભાયાત્રા નું ઠેર ઠેર ભક્તો દ્વારા સ્વાગત કરવામાં આવ્યું હતું અને ભક્તો એ શ્રી રામ નાં દર્શન નો લાભ લઇ ધન્યતા અનુભવી હતી.