🛕 ધાર્મિક કથા ભાગ : 42 🛕 : Manoj Acharya

🛕 ધાર્મિક કથા ભાગ : 42 🛕

ગેબી પરંપરાના સંત આપા રતા બાપુ (નાની મોલડી – ચોટીલા) ની આ ધાર્મિક જગ્યામાં બાવન વીર હનુમાનજીમાં અનેક ભક્તોને અનહદ શ્રધ્ધા: હનુમાન જયંતિની ભવ્ય ઉજવણી કરવામાં આવી.
ચોટીલા પંથકની પંચાળની ભૂમિ એટલે સંત, દેવી દેવતા અને વીરોની ધાર્મિક અને ઐતિહાસિક ભૂમિ. આ પ્રાચિન નગરીના નાની મોલડી ગામના પાદરમાં આવેલ સંત પૂ.આપા રતા બાપુની ધાર્મિક જગ્યામાં બાવન વીર હનુમાનજી બીરાજમાન છે. આ બાવન મૂર્તિના પ્રાગટ્ય પાછળ પણ એક ધાર્મિક ઇતિહાસ છે.
ચોટીલા થી રાજકોટ જતાં પહેલાં નાની મોલડી ગામ આવે. આ ગામમાં સંત પૂ. આપા રતા બાપુની ગેબી પરંપરાની ખુબ જ પ્રાચિન ધાર્મિક જગ્યા છે, જેમાં બાવન વીર હનુમાનજીની બાવન દિવ્ય મૂર્તિઓ સાક્ષાત બિરાજમાન છે. આ મૂર્તિના પ્રાગટ્ય પાછળની કથા એવી છે કે સંત પૂ.આપા રતા બાપુને દ્વારકાધીશમાં અનહદ શ્રધ્ધા હતી અને અવારનવાર પગપાળા દ્વારકા દર્શને જતાં હતાં. એક વખતે રતા બાપુ પગપાળા દર્શને જઇ રહ્યાં હતાં ત્યારે સાક્ષાત દ્વારકાધીશે તેમની ભક્તિના કારણે રસ્તામાં જ દર્શન દઇ સંતને મોલડી પાછા જવાનું કહ્યું.
રતાબાપુએ કહ્યું કે તમે મને દર્શન દીધાં છે તે માટે કંઇક નિશાની આપો તો હું ગામલોકોને જણાવી શકું ત્યારે દ્વારકાધીશે કહ્યું કે ગામની ભાગોળમાં રામ ટેકરી પર ત્રિકમ વડે જમીન પર ટચાકા કરજો એટલે હનુમાનજીની મૂર્તિ પ્રગટ થશે. બાદમાં રતાબાપુ તથા નાની મોલડીના લોકોએ ત્રિકમથી બાવન વખત ટચાકા કરતા બાવન વીર હનુમાનજીની દિવ્ય તેજ ધરાવતી મૂર્તિઓ જમીનમાંથી પ્રગટ થઇ. આ જગ્યામાં કારતક માસના શનિવાર અને હનુમાન જયંતિ, રામનવમી સહિતના ધાર્મિક તહેવારો દરમ્યાન સંતવાણી, મહાપ્રસાદ, મહાઆરતી સહિતના ધાર્મિક કાર્યો થાય છે. પંચાળના સંત રતાબાપુની છત્રછાયામાં શનિવારે વિવિધ કાર્યક્રમો યોજાયેલ હતા, જેમાં સવારે 9:00 કલાકે પુજન વિધિ, 9.30 દવજા આરોહણ, 11.30 થી મહા પ્રસાદ, સાંજે મહા આરતી અને રાત્રીના 8.30 લોક ડાયરાનું ભવ્ય આયોજન કરવામાં આવ્યું હતું.
✍️ મનોજ ઇન્દ્રવદન આચાર્ય
(શ્રી સિધ્ધ ગાયત્રી શક્તિપીઠ, રાજકોટ)

Author: admin

Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877