રાજકોટ ખાતે પુ. ગુરુદેવ શ્રી સ્વરૂપાનંદજી – “માડી” નાં શિષ્ય શ્રી ભરતભાઈ (દીક્ષિત નામ ભજનાનંદ) દોશીનાં ગાંધીગ્રામ વિસ્તારમાં આવેલા નિવાસસ્થાને તા. 2 જુલાઈ, શનિવારે સાંજે 5.45 વાગે પધરામણી થઈ. ભરતજી અને તેમનાં ધર્મપત્ની શ્રીમતી મિરાંના દિકરીબા ધારાના લગ્ન 8 જુલાઇએ છે એ નિમિત્તે પુ. શ્રી માડીને પિતાંબર અને કેડીયાનો સેટ ભેટમાં આપ્યો. આ પરંપરા ગુરૂ સન્માનનાં પ્રતિકરૂપે છે જે જૂના શિષ્યોએ હજુ જાળવી રાખી છે. એટલું જ નહીં, માતાજી માટે પિતાંબર સેટને અનુરૂપ સુંદર મજાની સાડી પણ ભેટ આપી. આ પ્રસંગે તેમનાં બીજા દિકરીબા દ્રષ્ટિ અને મોટા ભાઈજી નવિનચન્દ્ર (દીક્ષિત નામ નયનાનંદ) પણ હાજર હતા. સમગ્ર પરિવાર ખુશખુશાલ હતો. પુ. શ્રી માડીને પ્રસાદ માટે દોશી પરિવારે આગ્રહ કર્યો પરંતુ અષાઢ નવરાત્રિ કરતા હોઇ સર્વેને ધર્મલાભ આપીને સાંજે 7 વાગ્યે પુ. ગુરુદેવ વિદાય થયા.
અષાઢ સુદ ચોથનાં પવિત્ર દિવસે જુનાગઢથી પુ. ગુરુદેવ શ્રી સ્વરૂપાનંદજી – “માડી” નાં શિષ્ય શ્રી ચિરાગ ભાલાણી (દીક્ષિત નામ વિમલાનંદ) ની સાથે તેમનાં મિત્ર શ્રી દિપેશ ભાલોડીયા રાજકોટ ખાતે સવારે 9.45 વાગે શ્રી સિધ્ધ ગાયત્રી શક્તિપીઠ ખાતે આવ્યા અને માંના દર્શન કરી પુ. શ્રી માડી પાસે મંત્રદીક્ષા ગ્રહણ કરી અને તેમને દીક્ષિત નામ દિક્ષાનંદ પ્રદાન કર્યું અને 11 વાગે બંન્ને જુનાગઢ પરત ફર્યા.
એ પછી મારા આત્મીય મિત્ર શ્રી કપિલ ભટ્ટનાં રાજકોટનાં રેલનગર વિસ્તારમાં આવેલા નિવાસસ્થાને પુ. ગુરુદેવની પધરામણી થઈ ત્યારે તેઓને પિતાંબર, ઉપવસ્ત્રમાં સજ્જ જોઇને અત્યંત પ્રસન્ન થયા અને ત્યારબાદ મંત્રદીક્ષા આપી આધ્યાત્મિક નામ કેવલાનંદ પ્રદાન કર્યું અને તેમનાં ધર્મપત્ની શ્રીમતી ભાર્ગવીને પણ મંત્રદીક્ષા આપી. બંન્નેનું વતન જુનાગઢ છે અને હાલ બંન્ને રાજકોટ ખાતે શિક્ષક તરીકે ફરજ બજાવી રહ્યા છે. જોગાનુજોગ આ દિવસે કપિલભાઈનાં પિતાશ્રી સ્વ. કાંતિલાલની 28 મી પૂણ્યતિથી પણ હતી. કપિલનાં માતુશ્રી વનિતાબેને જણાવ્યું કે તેમનાં પતિ પણ અત્યંત ધાર્મિક હતા અને ઘણાં અનુષ્ઠાન પણ કરેલ હતા અને જુનાગઢ ખાતે ગાયત્રી પરિવાર સાથે સંકળાયેલા હતા. પુ. શ્રી માડી પણ ગાયત્રી ઉપાસક હોઇ આજનાં દિવસે ફરી એકવાર આઘ્યાત્મિક અનુસંધાન થતું હોઇ સમગ્ર પરિવાર અત્યંત ખુશખુશાલ હતો.
Author: admin
Chief Editor: Manilal B.Par Hindustan Lokshakti ka parcha RNI No.DD/Mul/2001/5253 O : G 6, Maruti Apartment Tin Batti Nani Daman 396210 Mobile 6351250966/9725143877
